Rojîn
			Girêdan Malper-Malpera Rojîn

 MUZIKKURD.com

Hunermend Rojîn albûma xwe ya dawîn a bi navê "Deq" derxist.

Rojîn di vê albûmê de jî dev ji "pizimanî" yê bernedaye û albûm xwerû Kurdî nîne. di albûmê de bi gelek zimanan stran hatine gotin.

Cihê mixabinî ye ku dengê bihêz a mûzîka hemdem a Kurdî Rojîn bi neweşandina albûmên ne xwerû Kurdî pêşketina mûzîka kurdî têr piştgirî nade.

Albûmê şêwezên cihêreng ên wek pop, gelêrî, erebesk û hwd. hatine ba hev.

Di albûmê de 13 stran hene. Tê meraq kirin ku ka Rojîn yekem klîba xwe ya vê albûmê bo straneke Kurdî bikşîne an na..

Kurtejiyana hûnerî ya Rojîn

Albûma wê ya pêşî, “Ya Hep Ya Hiç” di sala 2000a de derket. Gelek bal kişand û dengekî bilind derxist. Di vê albûma xwe de çend stranên Ciwan Haco wergerandi bû zimanê Tirkî. Piştî vê, bi fîrmaya profesyonel û navneteweyî, Sony Mûzik re peyman danî. Bi vî awayî sîngleya xweyî pêşî derxist û di arenaya navneteweyî de xwe da qebûl.

Ev di serî de ji bo wê dûre jî ji bo mûzika Kurdî û a etnîk pêşketinek baş bû. Albûma wê ya duyemîn a bi navê “Sî” wek sîngle di 2003a de derket êdî derbasî mûzîka Kurdî bû dest bi gotina stranên Kurdî kir. Ev sîngle ji aliyê gel ve hat qebûl kirin û gihîşt gelek deveran. Di Festîwal a Bazîdê de ji ber stranek Kurdî got DGMê biyara girtina wê a giyabî (paşpenî) da. Li berxweda. Qîrîya kû tu sûc nekiriye û teslîm nabe. Di vê demê de xebatên wê yî ji bo albûma nû berdewam bû.

Di sala 2005a de albûma xwe yê dawî “Jan” derxist. Vê albûmê ji ber têkîlîyên di hundirê wê de û mijarên wê, gelek deng derxist. Lewre di albûmê de 9 bi Kurdî, 6 bi Tirkî 15 stran hebû. Stranek qlasîk a awaza wê Ara Dinçkiyan çêkiriye û Sezen Aksû dibêje “Vazgeçtim”; a Melike Demiraş “Arkadaş”, û a Lorena Mc Kennit “Tango to Evoro bi Kurdî got. Taybetiyek din a albûmê jî hema bêje nîvê stran û awazê di albûmê de wê çêkiribû. Albûma nû lezgînîyeke cidî da jiyana wê yî huner. Li ser albûmê gelek hevpeyvîn bi televîzyon û rojnameyan re kir. Di 12 Nisan 2005a de xelat a “Altin Kelebek (Perperoka Zêrîn), En İyi Halk-Etnik Müzik (Xelata Mûzîka Herî Baş ya Etnîk-Gelêrî)” stand. Xelat a “Altyn Kelebek” ev cara 32a ye tê dan û bi rayê gelî, xwedîyê xelatê tê tespît kirin.

Xelat di dîroka xwede cara pêşîye kû dikeve destê hunermendek ku muzîka Kurdî çêdike. (çavkaniya kurtejiyanê: malpera rojîn)
 

REKLAM

REKLAM

kurdish hip hop kürtçe hip hop kürtçe rap mûzika kurdî kurdish music ziman zimanê kurdi kurdish language hiphopa kurdi kurdce rap kurdish rap serhado xewna ji